حكـاية ثـورة "يسقط حكم العسكر"

حكايه ثورة " يسقط حكم العسكر"
ــــــــــــــــــــــــــــــــــــــــــــــــــــــــــــــــــــــــــــ



بعيش فيكي وانا مطاطي راسي مش عارف أروح فين ولا عارف رجلي من راسي , كل حاجه فيكي ملهاش معني ولا ليها أسباب وتيجي تسئل ليه يقوللك دي أوامر الأسياد , قلت أمشي في الشارع وسيبني من الأسياد وخليني في حالي وخليني من الأولاد , فجأه وانا ماشي في الشارع لقيت ناس بتجري إللي يقوللك دي خناقه وإللي يقوللك دي ثوره وألاقي ناس ماشيه بتقول يسقط الأسياد وناس تقول إحنا الأولاد بقيت مش عارف أجري معاهم ولا أحيي الأسياد فجاه لقيت نفسي في ميدان التحرير وشفت ناس نايمه وأمهات بتميل وتقول يا ولدي مصر هي القتيل , وشفت إخواتنا بيحضنوا أولادنا ساعتها لقيت دمي بيسيل والأقي إخواتي شايلني وحاملني ويقولولي متقلقش يا بطل هتبقي دليل , رجعت التحرير وقلت يا دمي يابلدي وكل ما أشوف علمي أهتف بأقصي ماعندي وأشوف حلمي قدامي بيقرب , شفت رصاصه جاية هتقتل واحد من إللي ماسكين إديا جريت عليه وقالولي هتبقي شهيد فرحت وقلت بس أنا كان نفسي يبقي في جديد , راحوا لأمي وقالوا إفرحي يا أم الشهيد إبنك حررك من إيدين الرفيق صرخت بأعلي صوتها وقالت ياروحي يا أغلي ما ليا , قولتلها أنا هنا يا أمي بين إيديكي ولو ناديتي المصري هتلاقيني فيه رجعت التحرير لقيت ناس كتير فرحانه وشايله صورتي وتقول بقينا أحرار علي حسك يا فقيد حمدت ربي , ورحت قصري ماهو الشهيد في الجنه أكبر بكتير , بعد كام شهر سمعت الكتير
لا تقوللي رشوة ولا تقوللي قضيه دي قضيه مبارك هي أكبر قضيه قتل فيها ثوار تاهين كل إللي ليهم يلاقو الرغيف وشفت وناس تانين ملهمش علاقه بالدين و ناس باعت ضميرها بقروش وناس باعت ولادها بالدييل , لقيت الحال مش هو الحال قلت ده محال أكيد بلدي هتبقي أحسن وكل واحد هياخد إللي ليه, ورجع الناس وقالت دمك يا شهيد مش هيروح هدر هنرجع التحرير ونقول يسقط حكم العسكر.
ـــــــــــــــــــــــــــــــــــ
Mo3tsem sala7
https://www.facebook.com/mo3tsemsala7



المصدر منتديات وسط البلد