أصل الحكايه زمان شويه ناس
عايشين مع شويه ناس
في ناس بتخلص لناس
وناس متعرفش الآخلاص
وناس ولاد ناس
وناس ملهاش أساس
وناس تخاف عليك ويبا هما أجدع ناس
وناس تضحك في وشك
وجواهم شيطان وسواس
وناس
أصل الحكايه زمان شويه ناس
عايشين مع شويه ناس
في ناس في الحق بتجادل
وناس في الكدب بتناضل
وناس تمشي وسط الناس
تتكلم عليك وتتطاول
وناس نحكمها وحكمها
مش عادل
أصل الحكايه زمان شوبه ناس
عايشين مع شويه ناس
ناس ملايكه جواهم وحوش
وناس الدنيا عندهم فلوس وقروش
وناس غزلان وديعه
وناس حيتان وقروش
وناس تيدي متيستناش
وناس تعقد ومتنساش
وناش تشتريها بالغالي
تبيعك وبلاش
أصلهم واطي ميسواش
أصل الحكايه زمان شويه ناس
عايشين مع شويه ناس
ناس تحرق الدم
وناس تشيللك هم
وناس وانت معاك حواليك
ولما توقع عليك
بالسكاكين تتلم
في ناس ملهاش أصل
مسكين سكينه ونصل
الدنيا مسرحيه
أسبوع وشهر ...مشهد وفصل
في ناس
في الخيانه دكاتره
وفي الظلم أبطره
وناس تحبك وبطفره
وناس قلوبها ورقه بفره
وناس تحفرلك بدل الحفره
ميت حفره
أصل الحكايه زمان شويه ناس
عايشين مع شويه ناس
ناس عايشه أيامها
وناس مش لاقيه قوت يومها
وناس تتضحك وجواها همومها
وناش عايشه االدنيا وعايمه علي عومها
وناس بتلم في جوايز
وناس سكرانه بين قزايز
وناس حلاها ومقضيها برايز
وناس تجري ورا الدنيا
متديهاش وتدي اللي مش عايز
أصل الحكايه زما ن شويه ناس
عايشين مع شويه ناس
أحمد ماضي 
عايش فين ؟
بتشتغل إيه ؟
